23/02/2005
擁有全港背泳紀錄的「女飛魚」蔡曉慧（Sherry ），終於享受到大學校園生活，剛在美國柏克萊大學完成首個學期的她，正為下月的全美大學生泳賽（NCAA ）積極準備，力圖在其個人首個NCAA 比賽中留下美好回憶。
遠赴美國升學兩年的Sherry ，去年已完成學院的課程，並且成功考入美國三藩市著名學府柏克萊大學，她透過長途電話表示：「剛完成三個月的第一個學期，雖然讀書同游水都比以前辛苦，但可能以前無宿舍住，所以嚟到呢邊真正感受到大學生活，而且與同學或者隊友一齊練水、一齊玩，大家感情好好，並且好開心。」
Sherry 雖然入學只是幾個月，但已經代表學校參加了五個比賽，其中去年底與幾間大學的邀請賽中，她更以A 隊（精英）身份代表，為學校贏得三個接力的亞軍兼個人奪得一百米背泳亞軍及二百米背泳季軍。「我依家比起以前練水嘅時間更多，星期一至六就必要練早水，再加平日唔同嘅訓練，返到宿舍真係好攰，不過，可能與泳會嘅隊友年紀差唔多，所以大家好投契，而且泳會有好多唔同活動，較早前就去咗夏威夷訓練營，練習之餘又有得玩。」
柏克萊排名全美第七
其實，柏克萊泳隊目前已為下個月的NCAA 作好準備，現時柏克萊全美排名第七，成績都算不俗，Sherry 稱：「依家全隊目標都在NCAA ，我未知會參加哪項，但係已經好緊張又興奮。」而她們今日將會到華盛頓參加全美大學聯賽，為NCAA 作前哨戰，蔡曉慧亦將會參加其主項一百及二百米背泳、二百米混合泳及三項接力項目。
原本有意在體育管理或市場學發展的蔡曉慧，目前主修經濟，再加國際貿易課程，她稱：「經濟學係柏克萊著名學系，所以讀經濟系競爭好大，故此我只揀主修其中一科。呢度讀書嘅成績係計分，而且係同成班同學鬥，要攞A 好難，因為錯咗兩題就只係中等成績，但要合格都唔難嘅。」Sherry 預計兩年後畢業。
(東方日報 2005-02-23)