泳壇五小花快樂過聖誕
25/12/2005

泳壇五小花WeWeWetWet   聖誕狂想大合唱

聖誕節又黎喇!大家有冇想過如果聖誕老人係今日讓你想點都得,你會做的乜野呢?五位香港女飛魚,佢地就各有不同的聖誕狂想,好似環遊世界吃美食、滑雪、行山、去旅行……,但現實歸現實,今個聖誕假期佢地真係各有各忙,練水與溫書當然是離不開既「好節目」。

圖/文:李芷韻

五位泳壇「小金花」陳宇寧、施幸余、黃曉嵐、孫嘉兒同埋馮詠欣,趁著採訪當日的難得機會,令五位小女孩感受一下聖誕既強烈氣氛。原來佢地平時也甚少聚在一起吃喝玩樂,大家見面最多既時間,就係係游泳池,因此今次佢地都忍不住拎起相機自拍一番。

練完水都要輕鬆下

於亞洲室內運動會個人共奪七面金牌既「女水怪」施幸余,今個聖誕假期不忘練水,佢話:「當然要練水啦!或者都會約下朋友行街食飯既,但如果講我最鍾意既節日,梗係農曆新年,因為有利是豆嘛!」

對於應屆學界最佳女運動員陳宇寧黎講,呢個聖誕就充滿左開心同傷感喇,因為佢下個星期四(廿九日)就會到美國升學,所以聖誕期間與朋友、同學既約會都排到密麻麻。

將會升讀美國俄亥俄州大學既陳宇寧,雖然今年剛升上中六,但為左游水同學業,所以佢決定提早赴美升學。佢話:「個邊游水既條件梗係比香港好啦,好似NCAA既水準都好高.短期黎講我既目標會放係亞運,長遠黎計就梗係○八北京奧運會啦!」

至於今年係東亞運動會僅負於中國「蛙后」羅雪娟獲得季軍的「小蛙后」孫嘉兒,聖誕節就會做個孝順女,陪媽咪行街睇戲。呢位「小蛙后」雖然希望過一個白色聖誕,但偏偏佢就係一個好怕凍既女仔,呢一點你都咪話唔矛盾。

為考試佳節照鋤書

今年分別要應付高考同會考既黃曉嵐及馮詠欣,就要趁住假期努力「咪書」,外形嬌滴滴既馮詠欣話:「我真係冇時間去街,因為明年要會考,所以依家就要鋤書,如果聖誕老人畀份禮物我,希望會考成績可以考好D,有A就最好啦!」係女拔萃讀緊F.7既黃曉嵐為左高考,自亞室運之後,已經停止練水。佢話:「仲有三、四個月就考試,所以我要好好利用呢個聖誕假期。」

 (東方日報 25/12/2005)

更多本港泳界消息
本地比賽 學界比賽
對外比賽 綜合新聞

返回主頁

關於本網 - 免責聲明 - 版權聲明 - 聯絡網主

Copyright (C) 1999-2005. hkswim.com. All Rights Reserved. 版權所有 不得轉載